好想食…

已經二十五週，

我好想食生豪、壽司、冬陰公湯、仲有蟹……

還以為過多十五週可以食，

但原來坐月都要清淡~~

加上我打算餵人奶快點瘦身，

咁下次再食應該要一年半載....

當媽媽真係好偉大!

雀巢營養天地講座

第一次參加平日夜晚舉行的講座，
老公要OT我已經打算一個人參加，
但結果好友陪我一齊參加~^^

講座原定19:00-20:30，但最後19:30先開始，
心唸快點開始我要跟好友去食飯~~
好彩四時半放工去了南記食碗「招牌米」打底，
如果唔係，我可能太餓已放棄講座。

不過八時十分左右已經完，講座真的超短。
內容主要是分娩過程、方法、好處……有點悶加上又唔實用~
禮物方面應該是所有講座中最豐富，有尿片、100% BB 果汁、紗巾、奶粉格……
仲有Mustela 的sample。一直想試Mustela的防紋膏，聽講好有效。

之後，我同好友到諾士佛台的Munch食飯。

本來要等到一個鐘先有位，但職員見我大肚立即比位我地~

蜜蜂仔好Lucky~^^

Munch主打有機食材，對蜜蜂仔應該幾好。

味道不錯，價錢都ok兩個餐合共$500！個餐好大份，二個人都食唔晒。

美國雅培講座

今日先去佐敦「點點心點心專門店」食點心，

蘋果叉燒酥同脆皮腸粉都不錯~~

反而出名「真正波蘿包」就麻麻地…始終不太接受有波蘿~

一點左右在逸東酒店參加美國雅培講座~
美國雅培講座重於介紹照顧嬰兒及嬰兒眼、耳、口、鼻等等…

但遲到關係，坐得超遠~~只可以聽台上的片段和示範。

最後更因為人太多，早點離開。

今次講座贈品都不錯，比上次美素佳兒講座好。

有迪士尼學習CD、紙尿片、BB手套、紙巾、胎教CD…

太OVER嗎？

今日：

早餐-  米粉+餐蛋多士…

小食   榴槤

午餐   點心

下午茶 Triple 漢堡包~
晚餐   和民

宵夜   魚湯

太OVER嗎？

孕婦按摩

上星期在永安OIO買滿$1000的關係。

今天可以到“Fitness & Beauty”做孕婦按摩。

放工坐免費叮叮到銅鑼灣，時間剛好。

首先，有職員先講服務內容。

決定了面部護理和背部按摩後，就立即開始。

自從知道有蜜蜂仔已經沒有再做facial，

鼻和嘴邊又出2、3粒暗瘡~~

我快接受唔到自己皮膚！

差不多一小時，已經做好面部護理和背部按摩。

幸好，我還未有水腫和腰痛，

所以基本上對我來說沒有太大感覺和幫助。

只覺得半小時給人按了背部幾下，

而面部只是普通洗面清潔+MASK，連針清、條眉都沒有~~

其間有一位營養師跟我閒談十多分鐘。

她覺得我胃部脹，叮囑我不要再喝凍飲和凍的食物。

我心想為何知道我偷吃雪糕~~

如果再這樣，蜜蜂仔出世後會容易吐奶。

想之後改善胃部，蜜蜂仔出世前也只可以食唔凍西瓜、暖的芝麻糊、

暖的腐竹雞蛋糖水(但一定要走白果)~

就算蜜蜂仔出世後都不可以喝凍飲和凍的食物。

希望坐月能夠改善胃部脹的問題。

離開前，職員要求到房解釋一下。

當然就是推介服務、JOIN COURSE等等。

最後，我用趕時間理由就離開。

我其車沒騙她，我真的很趕時間。

今天約了幾位舊同事到銅鑼灣的 “泰成菜館”食晚飯。

很久沒有見大家，當然公佈了懷孕的喜訊給大家^^

半年前的飯局和今天，有2位已經轉到新工作。

雖然是閒聊，但都很開心~

最後還是曾老師爭著埋單，所以我地決定請她到「聰嫂」食甜品。

美素佳兒講座

今日第一次參加懷孕講座，之前只係睇書知識有限。

我知道自己第一胎咩都唔識，決定去聽多啲講座，

遲啲有時間再參加孕婦班。

十一點在銅鑼灣怡東酒店舉行，非常大雨其實有點想放棄~~

不過老公一齊去就沒所謂~~

二小時講座其實都唔太悶，頭一小時關於孕婦飲食及坐月飲食，

後一小時關於照顧初生嬰兒+沖涼示範。

原來朱古力只要你唔怕肥係可以食^^

但我就係怕肥媽唔肥B~
營養師不斷講孕婦可以飲食範圍，我發現我已經有幾次犯規~~

茶已經飲左、雪糕已經食左、辣野都食埋…

老公不斷望著我指我真係犯規太多…

我唯有答應之後幾個月會遵守~

BB花名

身邊各親戚好友已經幫BB改好多花名，游泳池、游樂場、游艇會、游魚、游差……總之同音就已經一大堆。

睇書講早一點有乳名同BB溝通會比較好，我本身唸住叫 "游仔"，但爹地以前已經用左。最後爹地幫BB改左叫 "蜜蜂仔"，因為想BB勤力加上媽咪都有條小尾…哈哈就決定 "蜜蜂仔"~~

重要階段

很久沒有寫日誌，人生要經歷另一個重要階段，
所以我決定再次寫回日誌，還要將之前的記憶補寫一下。

今天知道祈禱小組的會議都有幫蜜蜂仔祈禱和祝福。
大家對我不太認識，而且我又不是教友，只是工作在這裡。
蜜蜂仔真的好幸福~~

照結構

照結構

十二點半放工真開心，

先到生記食午餐:炒米粉+肉丸粥 YuMmY!

二時已經到東區醫院登記，

今日下午原來只有4位孕婦照結構，

但醫生太約三時先開始,幸好準備懷孕書來打發時間。

我本來預約時間二時二十九分 ， 以為應該第一個或第二個。

原來第四個先到我...結果四時左右 ， 全本書剛睇完就到我。

今日負責一位醫生(我估...因為衣著唔似護士 ， 著白色長袍，

但又覺得可能係專負責照超聲波的職員)及一位助手。

我望住大電視 ， 醫生同我第一句: BB打喊路(雖然2D ， 但我睇到)....哈哈

跟住醫生開始度身長、腳長 、 頭圍,...

再來指比我知胃 、 肝....心 ,仲數4塊心瓣 ，

之後醫生問我有無心理準備想知男定女 ， 其實上個月私家醫生已經話7成係男仔.

我話無所謂 ， 醫生話照到BB有姑姑仔，應該係男仔。

其實好多我都睇唔明 ， 我成日覺得只有醫生先最明白2D超聲波...

最後到照樣 ， 其實我有點擔心 ， 因為我第一、二個月有用剪刀~

BB一直用手遮面(男仔唔駛怕羞) ， 等左成五分鐘 ， 佢終於移開~止

醫生話樣正常，無兔唇~

全部過程二十多分鐘，

雖然醫生樣樣都有講，但心總想去私家醫生再照過~~

睇中醫

一直都見紅關係，

我決定到太古睇中醫。

中醫話胎脈很好，令我都放心。

叮囑我要多床，千萬唔可以食涼野，特別香蕉、木瓜…
仲有寫假紙比我要我多休息~~

希望中醫真係幫我！